Зялёная салата зь яйкамі

June 16th, 2008

зялёная салата зь яйкамі

На 2 порцыі:
Агуркі: 2-3 шт. (кароткаплодныя)
Яйкі: 2-3 шт.
Зялёная цыбуля: невялікі пучок
Соль па смаку
Сьмятана: 2-3 лыжкі

Прыгатаваньне:
Агуркі парэзаць кубікамі, пакрышыць цыбулю, дадаць вараныя яйкі, пасаліць і паліць сьмятанай.

Аладкі з кабачкоў

June 12th, 2008

аладкі з кабачкоў

Спатрэбіцца:
Кабачок або цукіні: 500 гр.
Яйкі: 1-2 шт.
Мука: 2-3 лыжкі
Соль: ~1/3 мал. лыжкі
Алей для смажаньня

Прыгатаваньне:
З кабачка зьняць скурку і, калі патрэбна, ачысьціць ад насеньня. Падзерці яго на тарцы з буйнымі дзірачкамі, дадаць соль, яйкі, перамяшаць. Усыпаць муку, дбайна разьмяшаць і смажыць на алеі да залацістага колеру.

Тварожныя батончыкі

June 6th, 2008

тварожныя батончыкі

Спатрэбіцца:
Тварог: 250 гр.
Яйкі: 1 шт.
Сьмятана: 1 лыжка
Цукар: 1 лыжка
Сода: 1/4 мал. лыжачкі
Мука: 2/3 шклянкі
Алей для смажаньня
Цукровая пудра: 1 лыжка

Прыгатаваньне:
Тварог добра расьцерці, дадаць яйка, сьмятану, цукар, добра перамяшаць. Усыпаць муку і замясіць лёгкае цеста. З атрыманай масы раскачаць каўбаскі даўжынёй 8-10 см, ~1 см у дыямэтры. Смажыць у вялікай колькасьці алею да залацістага колеру.
Гатовыя батончыкі пасыпаць цукровай пудрай.

рэцэпт: Беларуская кухня

Зразы з грыбамі

June 2nd, 2008

zrazy_z_hrybami.jpg

Спатрэбіцца:
Грыбы (пячурыцы ці інш.): 200 гр.
Мяса (нятлустая сьвініна): 600 гр.
Цыбуля: 2 шт.
Бульба вараная: 1 шт.
Белы хлеб: 1 скібка
Малако: 1/2 шклянкі
Яйкі: 1 шт.
Соль, перац
Алей

Прыгатаваньне:
1. Грыбы і адну цыбуліну дробна парэзаць. Цыбулю пасераваць у алеі да празрыстасьці, дадаць грыбы і смажыць, пакуль ня выпарыцца вадкасьць. Грыбы пасаліць і смажыць яшчэ некалькі хвілінаў.

2. Белы хлеб або батон замачыць у цёплым малацэ, пакінуць, каб набрыняў.
Мяса разам з бульбай, цыбуляй і белым хлебам здрабніць на мясарэзцы. Дадаць яйка, соль, спэцыі, добра перамяшаць. Вільготнымі рукамі зрабіць з фаршу кружкі, на сэрэдзіну кожнага пакласьці грыбы, сфармаваць зразы. Абсмажыць з двух бакоў на невялікім агні да румянай скарынкі.

Рыба, запечаная з папрыкай і пятрушкай

May 30th, 2008

cielapija1.jpg

Спатрэбіцца:
Рыба (цілапія ці інш.): 500 гр.
Алей аліўкавы (ці сланечнікавы бяз паху): 2 лыжкі, +1 лыжка для формы
Лімонны сок: 1 лыжка
Пятрушка зялёная, пасечаная: 1 лыжка
Папрыка: 1/2 мал. лыжкі
Соль

Прыгатаваньне:
Рыбу размарозіць, пасаліць па смаку, выкласьці ў змазаную алеем форму. Алей зьмяшаць зь лімонным сокам і прыправамі, змазаць рыбу зьверху. Запякаць у папярэдне разагрэтай духоўцы 15-25 хвілінаў.

Фасолька па-брэтоньску

May 16th, 2008

фасолька па-брэтоньску

Спатрэбіцца:
Фасоля: 2 шклянкі
Цыбуля: 1-2 шт.
Вэнджаная грудзінка: 100 гр.
Каўбаса паўвэнджаная (колцамі): 200 гр.
Таматная паста: 2-3 лыжкі
Спэцыі: духмяны перац – 2 бобкі, лаўровы ліст, маяран – 1 мал. лыжачка
Соль, алей

Прыгатаваньне:
1. Фасолю заліць халоднай вадой на некалькі гадзінаў, лепей на ноч. Потым даліць вады, дадаць лаўровы ліст і перац, гатаваць на невялікім агні. Прыблізна праз 30 хвілінаў дадаць соль і парэзаную грудзінку, гатаваць, пакуль фасоля не памягчэе.

2. Цыбулю дробна парэзаць і абсмажыць да празрыстасьці, дадаць парэзаную кубікамі каўбаску і смажыць 3-5 хвілінаў. Дадаць усё гэта да фасолі, таксама дадаць таматную пасту і маяран, перамяшаць і тушыць 15 хвілінаў.

Курыныя галёнкі з грыбамі

May 11th, 2008

курыныя галёнкі з грыбамі

Спатрэбіцца:
Курыныя галёнкі: 4 шт.
Цыбуля: 1 шт.
Грыбы: 150 гр.
Соль, чорны перац
Алей

Прыгатаваньне:
1. Цыбулю і грыбы дробна парэзаць і абсмажыць.

2. З галёнак зьняць скуру зьверху ўніз, каб атрымаліся “панчохі”. Унізе можна пакінуць кавалачак косткі, ці зняць да канца і зьнізу скурку закалоць зубачысткай. Мяса аддзяліць ад костак і здрабніць.

3. Зьмяшаць мяса з грыбамі і цыбуляй, дадаць соль і перац. Гэтым фаршам напоўніць скуркі галёнак, выкласьці на змазаную алеем бляху і запякаць да румянай скарынкі.

Селядзец пад футрам

May 8th, 2008

селядзец пад футрам

Спатрэбіцца:
Селядзец: 250 гр.
Бульба: 2 шт.
Морква: 1-2 шт.
Яйкі: 2 шт.
Бурак: 1 шт.
Маянэз

Прыгатаваньне:
Гэты рэцэпт не самы традыцыйны, падыходзіць для тых, хто ня любіць цыбулю ў салатах. :)
Агародніну і яйкі згатаваць, астудзіць і аблупіць. Селядзец дробна парэзаць. Зрабіць салату слаямі наступным чынам (агародніну таркаваць адразу ў салатнік):
– бульба
– селядзец
– бульба
– морква
– яйкі
– бурак

Кожны слой паліць невялікай кольксьцю маянэзу, буракі добра заліць маянэзам. Пакінуць на 1-2 гадзіны, каб салата прапіталася. Зьверху пасыпаць зелянінай.

Ванільна-чакаляднае печыва

May 5th, 2008

ванільна-чакаляднае печыва

Спатрэбіцца (~на 500 гр.):
Масла ці маргарын: 100 гр.
Цукар: 0.5 шклянкі (100 мл)
Ванільны цукар: 1 мал. лыжка
Сьмятана: 4 лыжкі
Яйкі: 1 шт.
Какава: 1 мал. лыжка з горкай
Мука: 2 шклянкі
Разрыхляльнік для цеста: 1 мал. лыжка

Прыгатаваньне:
Масла расьцерці з цукрам (звычайным і ванільным), дадаць яйка і сьмятану, старанна перамяшаць. Падзяліць цеста на дзьве роўныя часткі, у адну ўмяшаць какаву. Муку зьмяшаць з разрыхляльнікам, падзяліць папалам, дадаць да абедзьвюх частак цеста і хутка замясіць.
Для сьпіралек: раскачаць белае і чакаляднае цеста ў пласты, скласьці адно на адно, згарнуць рулецікам, ахалодзіць у маразілцы і нарэзаць скрылікамі. Можна цеста нарэзаць брускамі, скласьці брускі рознага колеру і нарэзаць.
Печыва выкласьці на сухую бляху (можна накрыць паперай), пячы ў разагрэтай духоўцы пры 200° С каля 20 хвілінаў.

Катлеты хатнія

May 2nd, 2008

катлеты хатнія

Спатрэбіцца:
Мяса (ялавічына напалову са сьвінінай): 600 гр.
Бульба вараная: 1-2 шт.
Цыбуля: 1 шт.
Яйкі: 1 шт.
Спэцыі (перац, кмен) : 1 мал. лыжка
Соль
Паніровачныя сухары: 3 лыжкі
Алей

Прыгатаваньне:
Мяса двойчы перакруціць на мясарэзцы ці добра здрабніць камбайнам. Бульбу патаўчы ці патаркаваць, цыбулю дробна парэзаць, зьмяшаць зь мясам. Дадаць яйка, соль, спэцыі і старанна вымясіць. З фаршу сфармаваць катлеты, укачаць у сухары і абсмажыць на слабым агні з двух бакоў.