Archive for the ‘бульба’ Category

Бульба, запечаная з каляндрай і чаборам

Tuesday, April 29th, 2008

бульба, запечаная з каляндрай і чаборам

Спатрэбіцца:
Бульба: 1 кг
Алей: 3 лыжкі
Каляндра, чабор (здробненыя) : па 1 мал. лыжцы
Часнок: 1 зубок
Соль: 2/3 мал. лыжкі

Прыгатаваньне:
Бульбу абабраць і гатаваць 5-7 хвілінаў. Потым адцадзіць, падсушыць і парэзаць на долькі.
У місцы зьмяшаць алей з прыправамі і сольлю. Пакласьці туды бульбу і перамяшаць, каб усе кавалачкі былі ў алеі. Выкласьці бульбу на бляху і запякаць у разагрэтай духоўцы да румянай скарынкі (~30 хв.).

Бульбяныя кошыкі з грыбамі

Saturday, April 19th, 2008

бульбяныя кошыкі з грыбамі

Спатрэбіцца:
Бульба: 1 кг
Соль (для бульбы)
Пячурыцы: 200 гр.
Алей: 1-2 лыжкі
Соевы соус: 1-2 лыжкі
Сыр цьвёрды: 70 гр.
дадаткова:
кулінарны мяшэчак (з насадкай “зорачка”)

Прыгатаваньне:
1. Згатаваць бульбу ў падсоленай вадзе, адцадзіць, пакінуўшы кубак адвару. Бульбу патаўчы, дадаць бульбяны адвар ці малако(~100 мл), каб атрымалася аданароднае пюрэ – яно мусіць быць ня надта густым і ня надта вадкім, каб потым дастаткова лёгка выціскалася і ў той жа час магло трымаць форму.

2. Грыбы дробна парэзаць, падсмажыць, напрыканцы дадаць соевы соус і трошкі патушыць.

3. Разагрэць духоўку да 200-220° С. Бляху заслаць паперай для выпяканьня ці змазаць алеем. Кулінарны мяшэчак запоўніць цёплай бульбай. Выціскаць па колу, каб атрымалася дно, а потым па колу ўверх, каб утварыўся кошык. Асобна на бляху выціснуць ручку для кошыка. Зрабіць тое самае з астатняй бульбай. Кошыкі запоўніць грыбамі, зьверху пасыпаць сырам. Запякаць 10-15 хвілінаў, потым трошкі астудзіць, прымацаваць ручкі.

Калдуны з грыбамі

Monday, March 10th, 2008

калдуны з грыбамі

Спатрэбіцца:
Бульба: 2 кг
Цыбуля: 1-2 шт.
Яйкі: 1 шт.
Соль, алей
для начынкі:
Грыбы (пячурыцы): 300 гр.
Цыбуля: 1-2 шт.
Соль

Прыгатаваньне:
1. Падрыхтаваць начынку: грыбы і цыбулю дробна парэзаць і падсмажыць.

2. Бульбу і цыбулю абабраць, дробна патаркаваць. Адціснуць з бульбы сок, каб атрымалася даволі густая маса. Дадаць соль, яйка, дбайна перамяшаць.

3. З бульбы зрабіць ляпешку, у цэнтар пакласьці грыбную начынку, загарнуць краі і сфармаваць піражок. Зрабіць тое самае з астатняй бульбай. Смажыць на сярэднім агні да зарумяньваньня. Падаваць са сьмятанай.

Бульбяное печыва

Saturday, February 9th, 2008

бульбяное печыва да піва

Склад:
Бульба: 800 гр.
Алей: 100 мл.
Соль: 1 мал. лыжка (бяз горкі)
Сода: 1/2 мал. лыжкі
Расол: 50 мл. (ці паўлыжкі воцату)
Мука: 1 шклянка
Кунжут ці каляндра, кмен – на свой густ

Прыгатаваньне:
Бульбу зварыць, абабраць, патаўчы пакуль гарачая ці дробна натаркаваць. Дадаць соль, зьмяшаную з расолам соду, алей, добра перамяшаць. Дадаць муку і замясіць цеста.
Цеста раскатаць таўшчынёй ~0.5 см, разрэзаць на палоскі, выкласьці на змазаную алеем бляху, пасыпаць кунжутам, пячы ў разагрэтай духоўцы да зарумяньваньня.
Падаваць да піва. :piva:

Бабка

Tuesday, January 22nd, 2008

бульбяная бабка

Спатрэбіцца:
Бульба: 3 кг
Мяса ці фарш (сьвініна): 500-600 гр.
Цыбуля: 2-3 шт.
Мука: 2-3 лыжкі
Спэцыі для мяса (кроп, кмен, перац)
Соль, алей

Прыгатаваньне:
1. Мяса парэзаць на дробныя кавалкі ці здрабніць на мясарэзцы. Зьлёгку абсмажыць, дадаць соль (~ палова мал. лыжкі), спэцыі.

2. Бульбу і цыбулю абабраць, надраць на дробнай тарцы, пасаліць (~ 1 мал. лыжка), дадаць 2-3 лыжкі мукі, абсмажанае мяса, добра перамяшаць.

3. Форму з высокім борцікам змазаць алеем, выкласьці бульбяную масу, верх апыркаць алеем. Пячы ў разагрэтай духоўцы пры 180°С каля гадзіны.

Дранікі зь мясам

Saturday, January 5th, 2008

дранікі зь мясам

Для цеста:
Бульба: 1.5 кг
Цыбуля: 1-2 шт.
Яйкі: 1 шт.
Мука: 2-3 лыжкі
Соль
для начынкі:
Фарш (лепей сьвіны): 400 гр.
Соль, чорны перац, можна дадаць цыбулю

Прыгатаваньне:
1. Фарш пасаліць, дадаць спэцыі, абсмажыць на патэльні.

2. Бульбу і цыбулю абабраць, надраць на дробнай тарцы. Дадаць соль, яйка, муку, добра перамяшаць.

3. На разагрэтую патэльню лыжкай выкласьці аладкі зь цеста, на сярэдзіну пакласьці фарш, закрыць бульбяной масай. Смажыць з двух бакоў да зарумяньваньня.

Бульбянікі з грыбамі

Thursday, November 1st, 2007

бульбянікі з грыбамі

Для цеста:
Бульба: 1кг
Яйкі: 1 шт.
Мука: 2-3 лыжкі
Соль

Для начынкі:
Грыбы (пячурыцы ці інш.): 250гр.
Алей: 2 лыжкі
Соль

Прыгатаваньне:
1. Бульбу абабраць, зварыць у падсоленай вадзе, адцадзіць і патаўчы. Трошкі асьцюдзіць, дадаць яйка, перамяшаць. Усыпаць муку і добра перамяшаць.

2. Грыбы дробна парэзаць, смажыць на патэльні з алеем, пакуль ня выпарыцца вадкасьць. Падчас смажаньня грыбы патрэбна пасаліць.

3. Бульбу ўзяць лыжкай, укачаць у муку, зрабіць ляпешку, на сярэдзіну пакласьці грыбы, краі злучыць, каб атрымаўся круглы піражок. Зрабіць тое самае з усім цестам. Абсмажыць на разагрэтай патэльні ў невялікай колькасьці алею з двух бакоў.

Дранікі

Wednesday, October 10th, 2007

дранікі

Склад:
Бульба: 1.5 кг
Яйкі: 2 шт.
Цыбуля: 1-2 шт.
Соль, алей

Прыгатаваньне:
Бульбу і цыбулю абабраць, надраць на дробнай тарцы, трошкі адціснуць. Дадаць яйкі, пасаліць. Выкладаць лыжкай на разагрэтую патэльню з алеем. Смажыць да зарумяньваньня з двух бакоў.

Бліны з бульбай і грыбамі

Friday, September 14th, 2007

бліны з бульбай і грыбамі

На 10 бліноў:
Яйкі: 2 шт.
Малако: 2 шклянкі
Мука: 2 шклянкі
Алей ці таплёнае масла: 2 лыжкі
для начынкі:
Бульба: 400 гр.
Пячурыцы: 200 гр.
Соль, кроп

Прыгатаваньне:
1. Бульбу абабраць, зварыць і зрабіць пюрэ. Пюрэ мусіць быць ня вельмі густым, але і ня вадкім. Грыбы здрабніць, выкласьці на разагрэтую патэльню, дадаць соль і кроп, смажыць каля 15 хвілінаў. Зьмяшаць бюльбяное пюрэ з грыбамі – начынка гатовая.

2. Для бліноў: Яйкі узьбіць, зьмяшаць з 1 шклянкай малака, паступова дадаць муку і добра перамяшаць. Уліць алей(ці масла), перамяшаць і дадаць астатняе малако.
Пячы на разагрэтай патэльні, кожны блін каля 2 хв. cook.gif

3. Загарнуць начынку ў бліны. Можна есьці ў такім выглядзе, а можна яшчэ абсмажыць з двух бакоў на масьле ці алеі.

Бульбяны суп з брокалі

Friday, September 7th, 2007

бульбяны суп з брокалі

На 4 порцыі:
Бульба: 3 шт. сярэдняга памеру
Брокалі: 250 гр.
Цыбуля: 1 шт.
Плаўлены сыр: 100 гр.
Малако: 200 мл.
Соль, перац, зеляніна

Прыгатаваньне:
1. У рондалі закіпяціць 750 мл. вады. Дадаць туды здробненую цыбулю, бульбу і брокалі. Гатаваць 10 хвілінаў, потым пасаліць, дадаць спэцыі і зеляніну, і гатаваць яшчэ 10 хв. Пасьля перакласьці ў кухонны камбайн і зрабіць пюрэ.

2. Гатовае пюрэ падагрэць, дадаць туды таркаваны сыр, і паварыць каля 5 хвілінаў. Потым уліць малако і зноў падагрэць, не даводзячы да кіпеньня.

3. Суп гатовы. Засталося разьліць яго ў талеркі і ўпрыгожыць суквецьцямі брокалі.