Archive for the ‘Мясныя стравы’ Category

Курыныя кавалачкі ў паніроўцы

Tuesday, March 4th, 2008

курыныя кавалачкі ў паніроўцы

Спатрэбіцца:
Курынае філе (грудкі): 400 гр.
Яйкі: 1 шт.
Сухары для паніраваньня: 4 лыжкі
Спэцыі для курыцы: 2 мал. лыжкі (калі вострыя, меней)
Соль, алей

Прыгатаваньне:
Яйка трошкі ўзьбіць. Сухары зьмяшаць са спэцыямі і сольлю, высыпаць на талерку. Мяса парэзаць на невялікія кавалачкі, абмакнуць у яйка, укачаць у сухары і адразу выкладаць на разагрэтую патэльню з алеем. Смыжыць на сярэднім агні да румянай скарынкі.

Мясны рулет, фаршыраваны яйкамі

Friday, February 22nd, 2008

мясны рулет, фаршыраваны яйкамі

Спатрэбіцца:
Мяса (сьвініна напалову зь ялавічынай): 800гр.
Батон: 2 скібкі
Малако: 100 мл
Морква вараная: 1 шт.
Яйкі: 4 шт.
Часнок: 1 зубок
Спэцыі для мяса: 1 мал. лыжка
Булён: 500 мл.
Соль, алей

Прыгатаваньне:
1. Згатаваць 3 яйкі.

2. З батона зрэзаць скарынку, мякіш замачыць у малацэ. Моркву дробна патаркаваць. Мяса здрабніць кухонным камбайнам ці на мясарэзцы, дадаць размочаны батон, моркву, 1 сырое яйка, соль, спэцыі, часнок, усё перамяшаць. З фаршу сфармаваць батон, зрабіць у ім разорку, пакласьці аблупленыя яйкі і закрыць зьверху фаршам.

3. Бляху змазаць алеем, выкласьці на яе рулет і абсмажыць з усіх бакоў, уліць булён і тушыць ~50 хвілінаў пры 200° С.

Курыныя кішэнькі з сырам і вяндлінай

Friday, February 1st, 2008

курыныя кішэнькі з сырам і вяндлінай

На 2 порцыі:
Курынае мяса: 1 грудка
Вяндліна: 2 скрылікі
Сыр: 30 гр.
Яйка: 1 шт.
Сухары для паніроўкі, соль, спэцыі
Алей

Прыгатаваньне:
1. Курыную грудку разрэзаць на 2 часткі. У кожным кавалку збоку зрабіць надрэз, каб атрымалася кішэнька. Скрылік вяндліны скласьці ўдвая, унутар пакласьці сыр, усё разам пакласьці ў кішэньку, краі загарнуць унутар.

2. Мяса звонку нацерці сольлю са спэцыямі, абмакнуць у яйка, укачаць у сухары. Смажыць на разагрэтай патэльні з двух бакоў да зарумяньваньня, потым паменьшыць агонь і патушыць пад накрыўкай 10 хвілінаў.

Курыныя кавалачкі з гарчычнай скарынкай

Thursday, January 17th, 2008

курыныя кавалачкі з гарчычнай скарынкай

На 4 порцыі:
Курынае філе: 400 гр.
Французская гарчыца (зярністая): 100 гр.
Яйкі: 1 вялікае ці 2 малых
Малако: 1 лыжка
Сухары для паніраваньня: 2 лыжкі
Мука: 1 лыжка (для цеста), дадаткова 2 лыжкі
Соль, алей

Прыгатаваньне:
1. Яйка ўзьбіць з дробкай солі, малаком ды гарчыцай. Дадаць сухары і муку, дбайна перамяшаць.

2. Мяса парэзаць на невялікія кавалкі. Кожны кавалачак укачаць у муку, абмакнуць у гарчычны кляр, смажыць на разагрэтай патэльні з алеем да зарумяньваньня.

Дранікі зь мясам

Saturday, January 5th, 2008

дранікі зь мясам

Для цеста:
Бульба: 1.5 кг
Цыбуля: 1-2 шт.
Яйкі: 1 шт.
Мука: 2-3 лыжкі
Соль
для начынкі:
Фарш (лепей сьвіны): 400 гр.
Соль, чорны перац, можна дадаць цыбулю

Прыгатаваньне:
1. Фарш пасаліць, дадаць спэцыі, абсмажыць на патэльні.

2. Бульбу і цыбулю абабраць, надраць на дробнай тарцы. Дадаць соль, яйка, муку, добра перамяшаць.

3. На разагрэтую патэльню лыжкай выкласьці аладкі зь цеста, на сярэдзіну пакласьці фарш, закрыць бульбяной масай. Смажыць з двух бакоў да зарумяньваньня.

Галубцы

Wednesday, December 19th, 2007

галубцы

На 8 порцый:
Капуста: 1 качан (~2 кг)
Фарш (сумесь ялавічыны і сьвініны): 1 кг
Рыс: 1 шклянка
Здробненыя спэцыі для фаршу: 1 мал. лыжка
Таматная паста: 2 лыжкі
Морква: 1-2 шт.
Соль

Прыгатаваньне:
1. Рыс згатаваць са шклянкай вады, асьцюдзіць. Фарш зьмяшаць са спэцыямі і адной мал. лыжкай солі, дадаць рыс, добра перамяшаць.

2. З капусты выразаць храпку, варыць 15-20 хвілінаў (раньнюю меней) у падсоленай вадзе, разабраць на асобныя лісты. Калі патрэбна, паварыць яшчэ, пакуль не набярэцца патрэбная колькасьць лісьця.

3. З кожнага ліста зрэзаць цьвёрдую частку. З фарша зрабіць катлеткі і загарнуць у капуснае лісьце.

4. Падрыхтаваныя галубцы шчыльна ўкласьці ў рондаль, дадаць парэзаную моркву, заліць халоднай вадой. Давесьці да кіпеньня, дадаць таматную пасту, пасаліць, накрыць вечкам, гатаваць ~40 хвілінаў.

Курыныя рулецікі з кропам

Thursday, November 29th, 2007

курыныя рулецікі з кропам

На 2 порцыі:
Курынае філе (грудкі): 300-400гр.
Масла: 1 лыжка
Зялёны кроп: 1 лыжка
Мука: 2 лыжкі
Соль, алей

Прыгатаваньне:
1. Курынае мяса разрэзаць на тонкія пласткі, добра адбіць, парэзаць на невялікія кавалкі. Кожны кавалак пасаліць з абодвух бакоў.

2. Кроп дробна парэзаць, зьмяшаць зь мяккім маслам.

3. На край кожнага кавалку мяса пакласьці па кавалачку масла з кропам, скруціць рулецікам, укачаць у муку. Смажыць на алеі да зарумяньваньня.

Катлеты “Папараць-кветка”

Friday, October 19th, 2007

катлета папараць-кветка

На 2 порцыі:
Курынае філе: 2 кавалкі
Сыр: 40 гр.
Яйка: 1 шт.
Мука: 2 лыжкі
Сухары для паніраваньня: 3 лыжкі
Соль, алей

Прыгатаваньне:
1. Для прыгатаваньня патрэбна філе таўшчынёй недзе да 0.7 см. Калі мяса занадта тоўстае, лепей разрэзаць на два больш тонкія пласткі, ці проста зрэзаць залішнюю таўшчыню.

2. Курынае філе трошкі адбіць. На край пакласьці сыр, згарнуць рулецікам.

3. Яйка расьцерці з сольлю. На асобныя талеркі насыпаць муку і сухары. Кожны рулецік укачаць у муку, пасьля абмакнуць у яйка і ўкачаць у сухары.

4. Смажыць на патэльні з усіх бакоў да зарумяньваньня. Падаваць гарачымі.

Пячоначныя біткі

Monday, October 15th, 2007

пячоначныя біткі

Склад:
Ялавічная пячонка: 600гр.
Рыс: 1/3 шклянкі
Цыбуля: 1-2 шт.
Яйкі: 2 шт.
Соль: 3/4 мал. лыжкі
Спэцыі: чорны перац ці іншыя па смаку

Прыгатаваньне:
Згатаваць рыс, абабраць цыбулю. Пячонку перакруціць на мясарэзцы ці ў камбайне разам з цыбуляй. Дадаць рыс, яйкі, соль і спэцыі. Усё добра перамяшаць.
Смажыць на патэльні, як аладкі.

Мяса па-альбанску

Monday, October 1st, 2007

мяса па-альбанску

Склад:
Курынае мяса: 300 гр.
Цыбуля: 1-2 сярдняга памеру
Маянэз: 100 гр.
Яйка: 1
Мука: 2 лыжкі
Соль: 1/4 мал. лыжкі
Спэцыі(сумесь – кмен, кроп, перац): 1/2 мал. лыжкі
Алей

Прыгатаваньне:
Мяса парэзаць кубікамі, дадаць дробна парэзаную цыбулю, пасаліць і ўсыпаць спэцыі. Дадаць яйка і маянэз, усё добра перамяшаць. Усыпаць муку і перамяшаць.
Пячы на патэльні з алеем, як аладкі.