Archive for the ‘Мясныя стравы’ Category

Пячоначныя аладкі

Thursday, March 26th, 2009

пячоначныя аладкі

Спатрэбіцца:
Курыная пячонка: 500 гр.
Манныя крупы: 3-4 ст. лыжкі
Яйкі: 1 шт.
Соль: ~0.5 мал. лыжачкі
Чорны перац: па смаку
Алей

Прыгатаваньне:
Пячонку перакруціць на мясарэзцы альбо камбайне, дадаць манку, яйка, соль, спэцыі і добра перамяшаць. Пакінуць фарш на 1-2 гадзіны, потым смажыць на невялікім агні да падрумяньваньня.

Курыныя шашлычкі

Sunday, February 15th, 2009

курыныя шашлычкі

На 2-3 порцыі:
Курынае філе: 500-600 гр.
для марынаду:
Кефір альбо натуральны ёгурт: 1 шклянка
Соевы соус, кетчуп: па 2 ст. лыжкі
Лімонны сок: 1 ст. лыжка
Папрыка: 2 мал. лыжкі
Чырвоны перац: 1/4 мал. лыжкі
Соль: 1/2 мал. лыжкі

Прыгатаваньне:
Зьмяшаць усе складнікі для марынаду. Мяса парэзаць на невялікія кавалачкі, заліць марынадам, пакінуць на некалькі гадзінаў альбо на ноч у лядоўні.
Перад прыгатаваньнем драўляныя шпажкі замачыць у халоднай вадзе на 2-3 гадзіны. Смажыць шашлыкі ў духоўцы ў рэжыме грыль альбо на адкрытым агні.

Мясны рулет з папрыкай

Monday, September 15th, 2008

Мясны рулет з папрыкай

Спатрэбіцца:
Мясны фарш (сьвініна зь ялавічынай): 700 гр.
Бульба вараная: 2-3 шт.
Спэцыі для фаршу: 1 мал. лыжка
Соль: 2/3 мал. лыжкі
Яйкі: 1-2
Салодкі перац: 2 стручкі (лепей рознакаляровыя)
Алей, паніровачныя сухары: па 1 лыжцы

Прыгатаваньне:
Фарш зьмяшаць з патаркаванай бульбай, сольлю, спэцыямі, дадаць яйкі і добра вымясіць. Перац ачысьціць ад насеньня, парэзаць кубікамі, дадаць да фаршу і перамяшаць.
Бляху альбо форму змазаць алеем, выкласьці фарш, надаць форму батона, пасыпаць сухарамі для паніраваньня. Запякаць у духоўцы пры 200° С да падрумяньваньня (~1 гадзіну).
Смачна есьці і гарачым, і халодным.

Рыс па-гішпанску з птушкай

Thursday, June 19th, 2008

рыс па-гішпанску з птушкай

Спатрэбіцца:
Рыс (доўгазерневы): 1 шклянка
Курынае філе (або індычкі): 400 гр.
Морква: 2 шт.
Перац папрыка: 1 шт.
Зялёны гарошак (сьвежы або марожаны): 1/2 шклянкі
Кукуруза (кансэрв.): 1/2 шклянкі
Парашок кары: 1/2 мал. лыжачкі
Соль
Алей

(more…)

Зразы з грыбамі

Monday, June 2nd, 2008

zrazy_z_hrybami.jpg

Спатрэбіцца:
Грыбы (пячурыцы ці інш.): 200 гр.
Мяса (нятлустая сьвініна): 600 гр.
Цыбуля: 2 шт.
Бульба вараная: 1 шт.
Белы хлеб: 1 скібка
Малако: 1/2 шклянкі
Яйкі: 1 шт.
Соль, перац
Алей

Прыгатаваньне:
1. Грыбы і адну цыбуліну дробна парэзаць. Цыбулю пасераваць у алеі да празрыстасьці, дадаць грыбы і смажыць, пакуль ня выпарыцца вадкасьць. Грыбы пасаліць і смажыць яшчэ некалькі хвілінаў.

2. Белы хлеб або батон замачыць у цёплым малацэ, пакінуць, каб набрыняў.
Мяса разам з бульбай, цыбуляй і белым хлебам здрабніць на мясарэзцы. Дадаць яйка, соль, спэцыі, добра перамяшаць. Вільготнымі рукамі зрабіць з фаршу кружкі, на сэрэдзіну кожнага пакласьці грыбы, сфармаваць зразы. Абсмажыць з двух бакоў на невялікім агні да румянай скарынкі.

Курыныя галёнкі з грыбамі

Sunday, May 11th, 2008

курыныя галёнкі з грыбамі

Спатрэбіцца:
Курыныя галёнкі: 4 шт.
Цыбуля: 1 шт.
Грыбы: 150 гр.
Соль, чорны перац
Алей

Прыгатаваньне:
1. Цыбулю і грыбы дробна парэзаць і абсмажыць.

2. З галёнак зьняць скуру зьверху ўніз, каб атрымаліся “панчохі”. Унізе можна пакінуць кавалачак косткі, ці зняць да канца і зьнізу скурку закалоць зубачысткай. Мяса аддзяліць ад костак і здрабніць.

3. Зьмяшаць мяса з грыбамі і цыбуляй, дадаць соль і перац. Гэтым фаршам напоўніць скуркі галёнак, выкласьці на змазаную алеем бляху і запякаць да румянай скарынкі.

Катлеты хатнія

Friday, May 2nd, 2008

катлеты хатнія

Спатрэбіцца:
Мяса (ялавічына напалову са сьвінінай): 600 гр.
Бульба вараная: 1-2 шт.
Цыбуля: 1 шт.
Яйкі: 1 шт.
Спэцыі (перац, кмен) : 1 мал. лыжка
Соль
Паніровачныя сухары: 3 лыжкі
Алей

Прыгатаваньне:
Мяса двойчы перакруціць на мясарэзцы ці добра здрабніць камбайнам. Бульбу патаўчы ці патаркаваць, цыбулю дробна парэзаць, зьмяшаць зь мясам. Дадаць яйка, соль, спэцыі і старанна вымясіць. З фаршу сфармаваць катлеты, укачаць у сухары і абсмажыць на слабым агні з двух бакоў.

Каўбаскі па-магілёўску

Thursday, April 10th, 2008

каўбаскі па-магілеўску

На 8 каўбасак:
Фарш: 500 гр. (200 гр. зь сьвініны, 300 гр. зь ялавічыны)
Яйкі: 1 шт.
Часнок: 1/2 галоўкі
Соль, чорны перац
Мука: 1 лыжка
Алей ці здор: 1 лыжка

Прыгатаваньне:
У фарш дадаць соль, перац, дробна пасечаны часнок, некалькі лыжак вады і яйка. Усё добра перамяшаць. Патэльню змазаць алеем ці здорам, ці можна накрыць фольгай і нічым не змазваць.
З атрыманай масы сфармаваць невялікія каўбаскі, абсыпаць іх мукой, выкласьці на патэльню і запячы ў духоўцы.

рэцэпт: Беларуская кухня

Курыныя кавалачкі кары

Saturday, April 5th, 2008

курыныя кавалачкі кары

На 2 порцыі:
Курынае філе: 400 гр.
Цыбуля: 1 сярэдняя
Перац чылі зялёны: 1 шт. (ці 1/4 мал. лыжкі парашку)
Часнок: 2 зубкі
Спэцыі (здробненыя):
– кумін: 1/4 мал. лыжкі;
– каляндра, куркума: па 1/2 мал. лыжкі;
– кары (curry): 1 мал. лыжка
Соль: 1/4 мал. лыжачкі
Таматная паста: 1-2 мал. лыжкі
Вяршкі: 2 лыжкі
Алей з алівак: 3 лыжкі

Прыгатаваньне:
Пакрышыць цыбулю і смажыць на разагрэтым алеі каля хвіліны. Дадаць парэзанае мяса і смажыць яшчэ 5-6 хвілінаў. Здрабніць часнок і перац, усыпаць да мяса і смажыць, пэрыядычна памешваючы, пакуль курыца не пачне падрумяньвацца. Дадаць соль, кумін, каляндру і куркуму, добра перамяшаць. Працягваць смажыць, дадаць таматную пасту і кары, а потым вяршкі. Дбайна перамяшаць. Падаваць з рысам ці зялёным салатам.

рэцэпт: 10 Minute Chicken Curry

Хуткія галубцы

Friday, March 28th, 2008

хуткія галубцы

Спатрэбіцца:
Капуста: 500 гр.
Фарш (сьвініна і ялавічына напалову): 500 гр.
Рыс: 0.5 шклянкі
Яйкі: 1 шт.
Соль, спэцыі (чорны перац, кмен)
Таматная паста: 2 лыжкі

Прыгатаваньне:
Адварыць рыс, капусту пашаткаваць. Калі капуста цьвёрдая, гатаваць у падсоленай вадзе каля 5 хвілінаў. Зьмяшаць фарш з рысам і капустай, дадаць яйка, соль, спэцыі і добра вымясіць. Сфармаваць галубцы, абсмажыць з двух бакоў, выкласьці ў жароўню ці патэльню з тоўстымі сьценкамі. Заліць вадой (~1 шклянка), зьмяшанай з таматнай пастай, трошкі пасаліць і тушыць прыблізна паўгадзіны. Таматную пасту з вадой можна замяніць на леча ці таматны соус.