Archive for the ‘Ласункі’ Category

Яблычныя колцы

Thursday, February 28th, 2008

яблычныя колцы : яблычныя аладкі

Спатрэбіцца:
Кефір: 200 мл
Цукар: 1 лыжка
Ванільны цукар: 1 мал. лыжка
Яйкі: 1 шт.
Разрыхляльнік для цеста: 1 мал. лыжка
Мука: 1 шклянка
Яблыкі: 2-3 шт.
Цукровая пудра: 1 лыжка
Алей

Прыгатаваньне:
1. Кефір зьмяшаць з цукрам (звычайным і ванільным) і яйкам. Муку прасеяць, дадаць разрыхляльнік, зьмяшаць з кефірнай сумесьсю.

2. Яблыкі абабраць, выразаць асяродак, нарэзаць колцамі таўшчынёй ~5 мм. Разагрэць патэльню з алеем. Кожны скрылік абмакнуць у цеста, пячы на невялікім агні да зарумяньваньня. Гатовыя колцы пасыпаць цукровай пудрай.

Вафельныя трубачкі

Sunday, February 17th, 2008

вафельныя трубачкі

Спатрэбіцца:
Масла: 200 гр.
Яйкі: 5 шт.
Цукар: 1 шклянка
Мука: 1-1.25 шклянкі
прыстасаваньні:
вафельніца

Прыгатаваньне:
Масла растапіць на маленькім агні, каб не закіпела, трошкі астудзіць. Дадаць цукар і яйкі, добра вымясіць. Дадаць муку, дбайна перамяшаць. Вафельніцу разагрэць, накладаць па лыжцы цеста, пячы да зарумяньваньня. Гарачую вафлю зьняць лапаткай, адразу згарнуць трубачкай, пакуль не застыла.

Слоенае тварожнае печыва

Tuesday, February 5th, 2008

слоенае тварожнае печыва

Склад:
Тварог: 1 пачак (250 гр.)
Масла ці маргарын: 75 гр.
Мука: 1/2 шклянкі
Яйкі: 1 вялікае ці 2 малых
Сода: 1/4 мал. лыжкі
Цукар: ~1/4 шклянкі

Прыгатаваньне:
1. Тварог разьмяць, дадаць соду і яйкі. Масла пацерці на буйную тарку, дадаць муку, замясіць цеста і пакласьці ў маразілку на 20 хвілінаў.

2. Цеста раскатаць таўшчынёй 3-5 мм, выразаць кружкі. Цукар высыпаць на талерку. Абмакнуць адзін бок кружка ў цукар, скласьці ўдвая і зноў абмакнуць адзін бок у цукар, скласьці яшчэ раз, каб атрымаўся трохкутнік, і яшчэ раз у цукар. Бляху прыцерушыць мукой, выкласьці печыва. Пячы ў разагрэтай духоўцы пры 200° С ~20 хвілінаў.

Салодкія тварожнікі з морквай

Friday, January 25th, 2008

салодкія тварожнікі з морквай

Для цеста:
Тварог: 250 гр.
Яйкі: 1 шт.
Цукар: 2 лыжкі
Морква: 1 невялікая, лепей маладая
Мука: 1/3 шклянкі
Цынамон: 1/2 мал. лыжкі
Разрыхляльнік цеста: 1/2 мал. лыжкі
дадаткова спатрэбіцца:
алей ці масла, 1 яйка

Прыгатаваньне:
1. Моркву пацерці на дробную тарку, зьмяшаць з тварагом, яйкам, цукрам. Асобна зьмяшаць муку, разрыхляльнік і цынамон, дадаць у тварог, дбайна перамяшаць.

2. Патэльню з тоўстым дном змазаць маслам ці алеем. Цеста выкласьці на патэльню змочанай у вадзе лыжкай, зьверху тварожнікі змазаць жаўтком. Пячы ў разагрэтай духоўцы да зарумяньваньня (~30 хвілінаў), пасьля астудзіць не здымаючы з патэльні.

Каляднае печыва

Friday, December 28th, 2007

каляднае імбірнае печыва

Для цеста:
Цукар: 1/2 шклянкі
Масла: 100 гр.
Яйкі: 1 шт.
Сьмятана: 2 лыжкі
Мука: 1.75-2 шклянкі
Разрыхляльнік для цеста: 1 мал. лыжка
Імбір, цынамон: па 1 мал. лыжцы
для глазуры:
Цукровая пудра: 1.5 шклянкі
Лімонны сок: 3 лыжкі

Прыгатаваньне:
1. Узьбіць масла з цукрам, яйкам і сьмятанай. Дадаць муку, разрыхляльнік, імбір і цынамон. Цеста добра вымясіць, загарнуць у харчовую плёнку і пакласьці ў холад на 30-40 хвілінаў.

2. Разагрэць духоўку да 180° С. Цеста раскатаць таўшчынёй ~3 мм, выразаць пячэнікі, выкласьці на бляху пакрытую пергаментам, пячы да зарумяньваньня.

3. Для прыгатаваньня глазуры зьмяшаць цукровую пудру з цытрынавым сокам да атрыманьня аднароднай пасты. Упрыгожыць печыва, пакінуць на нейкі час, пакуль глазура застыне.

Печыва “Melting moments”

Friday, December 21st, 2007

melting_moments21.jpg

Склад:
Масла: 175 гр.
Цукровая пудра: 1/4 шклянкі
Мука: 1 шклянка
Крухмал: 1/4 шклянкі
Ванільны цукар: 1 мал. лыжка

Прыгатаваньне:
1. Масла пакаёвай тэмпературы ўзьбіць з цукровай пудрай і ванільным цукрам. Паступова ўмяшаць муку і крухмал, дбайна вымясіць.

2. Бляху заслаць паперай для выпяканьня. Цеста выціснуць праз кулінарны мяшэчак з насадкай “зорачка”, ці сфармаваць шарыкі і прыціснуць відэльцам. Паставіць у маразілку на 15 хвілінаў, ці ў лядоўню на 30-60 хв.

3. Пячы ў разагрэтай да 180°С духоўцы да зарумяньваньня.

Аўсянае печыва (2)

Saturday, November 17th, 2007

аўсянае печыва

Для цеста:
Аўсяныя шматкі: 1 шклянка
Сьмятана: 3 лыжкі
Вада: 3 лыжкі
Масла : 70 гр.
Цукар: 0.5 – 0.75 шклянкі
Яйкі: 1 шт.
Мука: 1 шклянка
Разрыхляльнік: 1 мал. лыжка
Ванільны цукар: 1 маленькая лыжка
Імбір, цынамон: па палове малой лыжкі

Прыгатаваньне:
1. Шматкі зьмяшаць зь цёплай вадой і сьмятанай, пакінуць на 10 хвілінаў. Пасьля дадаць яйка, цукар звычайны і ванільны, мяккае масла, усё перамяшаць. У апошнюю чаргу дадаць імбір, цынамон, разрыхляльнік, муку. Замясіць цеста, паставіць у холад на 20-30 хв.

2. Цеста раскатаць таўшчынёй ~1 см, выразаць пячэнікі, пячы ў духоўцы пры тэмпературы 170°С да зарумяньваньня (~15хв.).
Печыва атрымліваецца хрусткае, але мяккае знутры.

Аўсянае печыва

Monday, October 22nd, 2007

аўсянае печыва
крыніца: allrecipes.com

Для цеста:
Аўсяныя шматкі: 3 шклянкі
Масла (альбо маргарын): 150 гр.
Цукар: 1 шклянка
Яйкі: 1 шт.
Вада: 60 мл
Мука: 1 шклянка
Разрыхляльнік: 1 мал. лыжка
Ванільны цукар, цынамон: па 1 маленькай лыжцы

Прыгатаваньне:
1. Цукар расьцерці з маслам. Дадаць ваду, яйка, ванільны цукар і цынамон, усё добра перамяшаць. Усыпаць муку і разрыхляльнік, разьмяшаць. Урэшце дадаць шматкі і старанна перамяшаць.

2. Духоўку разагрэць да 175°С. Бляху змазаць маслам ці заслаць паперай для выпяканья. Цеста выкладаць лыжкай з адлегласьцю 6-7 см паміж печывам. Пячы 12-15 хвілінаў. Асьцюдзіць печыва не здымаючы з бляхі на працягу некалькіх хвілінаў. Печыва атрымліваецца цьвёрдзенькае і хрусткае. Смачна есьці!
jc_cookies.gif

Аўсяныя аладкі

Friday, October 12th, 2007

аўсяныя аладкі

Для цеста:
Кефір: 1 шклянка
Аўсяныя шматкі хуткага прыгатаваньня: 1 шклянка
Мука пшанічная: 3/4 шклянкі
Яйкі: 2 шт.
Сода: 1/2 мал. лыжкі
Цукар: 1 лыжка
Ванільны цукар: 1/2 мал. лыжкі
Алей: 1 лыжка

Прыгатаваньне:
Кефір зьмяшаць з содай, даць пастаяць 5 хвілінаў ці трошкі болей. Дадаць аўсяныя шматкі, яйкі, цукар, алей, усё перамяшаць. Дадаць муку, перамяшаць. Цеста накладаць лыжкай на разагрэтую патэльню з алеем, смажыць да зарумяньваньня.
Падаваць можна з варэньнем, мёдам ці сьмятанай.

Тварожны пірог зь яблыкамі

Thursday, October 4th, 2007

тварожны пірог зь яблыкамі

Для цеста:
Тварог: 250 гр.
Сьмятана: 2 лыжкі
Масла: 100 гр.
Яйкі: 2
Цукар: 1/2 шклянкі
Разрыхляльнік цеста: 2 мал. лыжкі
Крухмал: 2 лыжкі
Мука: 2-2 1/2 шклянкі

Для начынкі:
Яблыкі: 3-4 (лепей кіслыя)
Цукар: 3 лыжкі
Цынамон: 1/4 мал. лыжкі

Прыгатаваньне:
1. Зьмяшаць усе складнікі акрамя крухмалу і мукі. Дадаць крухмал і муку, замясіць цеста. Цеста падзяліць на дзьве часткі і пакласьці ў холад на паўгадзіны.

2. Для начынкі яблыкі абабраць, выразаць асяродак, парэзаць тонкімі долькамі. Зьмяшаць яблыкі з цукрам і цынамонам. Калі яблыкі салодкія, можна дадаць цэдру лімона.

3. На бляху заслаць папяру для выпяканьня, выкласьці адну частку цеста і раскатаць таўшчынёй каля сантымэтру. Паверх выкласьці яблыкі. Другую частку цеста раскатаць, закрыць ёю пірог, краі зашчыпаць. Паверхню змазаць жаўтком.

4. Пячы ў духоўцы пры 150°С, пакуль не зьявіцца румяная скарынка.