Archive for the ‘Ласункі’ Category

Яблычныя кексы

Friday, September 26th, 2008

яблычныя кексы

Спатрэбіцца (на 15 маленькіх кексаў):
Яйкі: 2 шт.
Сьмятана: 0.5 шклянкі
Малако: 0.5 шклянкі
Цукар: 0.5 шклянкі
Сода: 0.5 гарбатнай лыжачкі
Воцат: 0.5 лыжкі
Мука: 2 шклянкі
Яблыкі: 2 вялікія
Алей альбо масла для змазваньня

Прыгатаваньне:
1. Яйкі ўзьбіць са сьмятанай, малаком, цукрам, дадаць пагашаную воцатам соду і перамяшаць. Усыпаць муку і добра перамяшаць.
2. Зь яблыкаў выразаць асяродак, зьняць скурку, парэзаць на невялікія кавалачкі. Усыпаць у цеста, перамяшаць, раскласьці ў змазаныя алеем альбо маслам формы.
Пячы пры 200° да падрумяньваньня.

Пірог з парэчкамі

Wednesday, July 23rd, 2008

пірог з парэчкамі

Для начынкі:
Чорныя парэчкі: 2 шклянкі
Цукар: 2-3 лыжкі
Цукровая пудра: 1 лыжка
Для цеста:
Мука: 1 шклянка
Яйкі: 1 шт.
Разрыхляльнік: 1 мал. лыжка
Цукар: 1/2 шклянкі
Ванільны цукар: 2 мал. лыжкі
Малако: 1/2 шклянкі
Масла: 50 гр.

Прыгатаваньне:
1. Вымытыя парэчкі выкласьці ў форму(22-25 см, лепей шкляную), зьмяшаць з цукрам .

2. Зьмяшаць малако, яйка, цукар, ванільны цукар, растопленае масла. Дадаць муку і разрыхляльнік, добра перамяшаць. Заліць цестам ягады і усталяваць у разагрэтую да 180° С духоўку. Пячы да залацістай скарынкі. Пасьля форму накрыць талеркай, перавярнуць, каб пірог апынуўся на талерцы ягадамі дагары. Астудзіць і пасыпаць цукровай пудрай.

Трускалкавы пірог з крупкай

Thursday, June 26th, 2008

трускалкавы пірог з крупкай

Спатрэбіцца:
Трускалкі: ~1/2 літра (можна трошкі болей)
Цукар: 1/4 шклянкі
Крухмал: 1 ст. лыжка
для цеста:
Мука: 3/4 шклянкі
Цукар: 2-3 лыжкі
Масла або маргарын: 100 гр.

Прыгатаваньне:
1. Трускалкі парэзаць на чварцінкі і выкласьці ў форму (дыямэтар 22-25 см) . Зьмяшаць крухмал з цукрам, засыпаць паверх ягад.

2. Муку зьмяшаць з цукрам, дадаць ахалоджанае масла і разьмяць так, каб атрымаліся крупкі. Выкласьці цеста на трускалкі, пячы пры 220° С, пакуль верх не зарумяніцца. Есьці цёплым або ахалоджаным.

Ванільна-чакаляднае печыва

Monday, May 5th, 2008

ванільна-чакаляднае печыва

Спатрэбіцца (~на 500 гр.):
Масла ці маргарын: 100 гр.
Цукар: 0.5 шклянкі (100 мл)
Ванільны цукар: 1 мал. лыжка
Сьмятана: 4 лыжкі
Яйкі: 1 шт.
Какава: 1 мал. лыжка з горкай
Мука: 2 шклянкі
Разрыхляльнік для цеста: 1 мал. лыжка

Прыгатаваньне:
Масла расьцерці з цукрам (звычайным і ванільным), дадаць яйка і сьмятану, старанна перамяшаць. Падзяліць цеста на дзьве роўныя часткі, у адну ўмяшаць какаву. Муку зьмяшаць з разрыхляльнікам, падзяліць папалам, дадаць да абедзьвюх частак цеста і хутка замясіць.
Для сьпіралек: раскачаць белае і чакаляднае цеста ў пласты, скласьці адно на адно, згарнуць рулецікам, ахалодзіць у маразілцы і нарэзаць скрылікамі. Можна цеста нарэзаць брускамі, скласьці брускі рознага колеру і нарэзаць.
Печыва выкласьці на сухую бляху (можна накрыць паперай), пячы ў разагрэтай духоўцы пры 200° С каля 20 хвілінаў.

Тварожная запяканка

Sunday, April 13th, 2008

тварожная запяканка

Спатрэбіцца:
Масла: 100 гр.
Тварог: 450-500 гр.
Яйкі: 2-3 шт.
Сьмятана: 100 гр.
Цукар: 3/4 шклянкі
Лімонная цэдра: 1 мал. лыжка
Ванільны цукар: 2 мал. лыжкі
Манныя крупы: 1 шклянка
Сода: 1/2 мал. лыжкі (пагасіць воцатам)

Прыгатаваньне:
1. Масла растапіць і астудзіць. Тварог добра расьцерці, дадаць масла, цукар і астатнія складнікі, добра вымясіць і пакінуць на 30 хвілінаў.

2. Разагрэць духоўку да 180° С. Форму для запяканьня заслаць пергаментам, выкласьці цеста. Пячы да зарумяньваньня. Да запяканкі можна падаць працёртыя ягады, сьмятану ці варэньне.

Ягадны соус

Saturday, April 12th, 2008

ягадны соус

Спатрэбіцца:
Ягады сьвежыя ці марожаныя: адвольная колькасьць
Цукар: па смаку

Прыгатаваньне:
Ягады памыць і трошкі падсушыць. Перацерці разам з цукрам кухонным камбайнам (з насадкай нож) ці таўкачыкам, ці прапусьціць празь мясарэзку. Пакінуць ненадоўга, каб распусьціўся цукар.
Такі смачны і вітамінны соус можна прыгатаваць у любую пару году. Ён добра падыдзе да бліноў, сырнікаў, запяканкі ці марозіва.

Пірозівы “Чакалядныя яйкі”

Tuesday, March 25th, 2008

пірозівы

На 8-10 пірозіваў:
Печыва (”Сьметанковае”, “Да гарбаты” ці інш.): 320 гр.
Масла: 60 гр.
Малако: 100 мл
Згушчанае малако: 2 лыжкі
Какава: 1 мал. лыжка
Ванільны цукар: 2 мал. лыжкі
Какосавая стружка: 3 лыжкі
для глазуры:
чакаляда: 75 гр.
малако: 2 лыжкі
масла: 1 лыжка
для ўпрыгожваньня:
каляровая пасыпка / какосавая стружка / белая глазура – па жаданьню

Прыгатаваньне:
1. Малако падагрэць разам са згушчаным малаком, ванільным цукрам і какавай, давесьці да кіпню, трошкі астудзіць. Дадаць мяккае масла, разьмяшаць. Печыва здрабніць у крошкі, зьмяшаць з какосавай стружкай, высыпаць у малочна-масьляную сумесь і дбайна вымясіць. Зь цеста зьляпіць пірозівы, надаўшы ім форму яек, і паставіць у холад на некалькі гадзінаў.

2. У маленькі рондаль пакласьці масла, здробненую чакаляду, дадаць малако. Памешваючы, падагрэць на маленькім агні, каб атрымалася гладкая аднародная глазура. Адразу ж абмакнуць у яе пірозівы, пакуль глазура не застыла. Цяпер можна пасыпаць яйкі каляровай абсыпкай ці какосавай стружкай. Каб упрыгожваць белай глазурай, яйкі ахалодзіць, каб спачатку застыла чакаляда. Гатовыя пірозівы паставіць у лядоўню да застываньня глазуры.

Куліч

Sunday, March 23rd, 2008

куліч

Для цеста:
Дрожджы: 30 гр.
Малако: 1 шклянка
Яйкі: 3 шт. + 1 жаўток для змазваньня
Цукар: 3/4 шклянкі
Ванільны цукар: 1 лыжка
Масла: 100 гр.
Мука: ~750гр. (5 шклянак)
Сухія ягады, цукаты (разынкі, курага): 100-150 гр.
для глазуры:
1 бялок, 1/2 шклянкі цукровай пудры,
1 мал. лыжка лімоннага соку

Прыгатаваньне:
1. Дрожджы раскрышыць, заліць цёплым малаком, дадаць лыжку цукру і шклянку мукі, перамяшаць і паставіць у цёплае месца, каб узьнялося. Калі рошчына ўздымецца, перамяшаць і пакінуць падыходзіць яшчэ раз.

(more…)

Пірозівы “Бульба”

Sunday, March 16th, 2008

Пірозівы Бульба

На 10 бульбінак:
Печыва (“Сьметанковае”, “Да гарбаты” ці інш.): 300 гр.
Масла: 60 гр.
Малако: 100 мл
Згушчанае малако: 2 лыжкі
Какава: 1 лыжка
Ванільны цукар: 2 мал. лыжкі
Ром (ці каньяк, ці проста малако) : 1 лыжка
для крэму:
Масла: 1 лыжка
Згушчанае малако: 1 лыжка

Прыгатаваньне:
1. Малако падагрэць разам са згушчаным малаком, ванільным цукрам і какавай, давесьці да кіпню, трошкі астудзіць. Дадаць мяккае масла і ром, разьмяшаць. Печыва здрабніць у крошкі, высыпаць у малочна-масьляную сумесь і старанна вымясіць. Зь цеста зьляпіць пірозівы, надаўшы ім форму бульбы :) , паставіць у лядоўню на 15 хвілінаў, потым укачаць у какаву.

2. Для прыгатаваньня крэму ўзьбіць масла і згушчанае малако. Верх пірозіваў упрыгожыць крэмам, паставіць у холад на гадзіну ці болей.

Яблычныя пірозівы

Thursday, March 6th, 2008

яблычныя пірозівы

Для цеста:
Цукар: 1 шклянка
Яйкі: 3 шт.
Сьмятана: 150 гр.
Масла: 80 гр.
Разрыхляльнік для цеста, ванільны цукар: па 2 мал. лыжкі
Цэдра з 1 лімона
Цынамон: 1/2 мал. лыжкі
Мука: 2 шклянкі
для начынкі:
Яблыкі (кіслыя ці кісла-салодкія) : 750 гр.
Цукар: 1/2 шклянкі

Прыгатаваньне:
1. Яблыкі абабраць, патаркаваць, засыпаць цукрам, пакінуць на 30 хв. Потым паварыць ~20 хвілінаў, працерці празь сіта, астудзіць.

2. Яйкі расьцерці з цукрам, дадаць усе іншыя складнікі апрача мукі, перамяшаць. Апошняй дадаць муку, перамяшаць. Бляху змазаць маслам ці маргарынам, пасыпаць мукой, выліць цеста. Вільготнымі рукамі разраўняць цеста ў пласт таўшчынёй 5-7 мм. Пячы 15-20 хвілінаў у разагрэтай духоўцы пры 200° С. Трошкі астудзіць, не здымаючы.

3. Тонкай шклянкай выразаць кружкі. Тое, што засталося пасьля выразаньня, пацерці на тарцы ў крошкі. Кожны кружок разрэзаць гарызантальна на 2 часткі, змазаць яблыкамі і злучыць разам. Абмазаць бакі і верх яблычным пюрэ, густа абсапаць крошкамі. Каб лепей пакрыць бакі абсыпкай, крошкі ўзяць у жменю і нямоцна прыціскаць да бакоў.
Пакінуць пірозівы на 2-3 гадзіны, каб прапіталася.